Икарди сериозно се повреди, ќе паузира до крајот на сезоната

Заврши сезоната за Мауро Икарди. Аргентинецот поради повреда ќе отсуствува од терените најмалку до крајот на сезоната.

Напаѓачот на Галатасарај се повреди на натпреварот од Лигата на Европа против Тотенхем синоќа, а по прегледите е констатирано кинење на вкрстените лигаменти на десното колено, како и оштетување на менискусот.

Оваа сезона тој постигна 4 гола на 7 натпревари во турскиот шампионат.