Интер го прегази Каљари и граби кон скудетото

Фудбалерите на Интер го победија Каљари на домашен терен со 3-0, во 33. коло од Серија А.

Од самиот почеток, Интер наметна висок ритам на играта, со константен посед на топката и постојан притисок врз последната линија на Каљари. Гостите од Сардинија издржаа во првото полувреме кое заврши без голови.

На првиот гол се чекаше до 52. минута, кога Маркус Тирам со глава ја испрати топката во мрежата по центаршут од левата страна.

Само четири минути подоцна, Николо Барела, ја дуплираше предноста на својот тим, а конечниот резултат го постави Зиелински во втората минута од судиското продолжение.

По оваа победа, Интер со натпревар повеќе има 12 поени повеќе од Наполи.