Интер ќе ја засилува одбраната со Бремер од Торино

Фудбалскиот клуб Интер е на чекор од првиот голем трансфер за следната сезона.

Како што тврдат некои италијански медиуми, централниот дефанзивец на Торино , Бремер постигнал договор со Интер за негов премин во клубот.

Деталите околу договорот не се познати, но ова не е првпат да се шпекулира за негов трансфер во редовите на актуелниот шампион на Серија А.

Интересен е фактот дека 24 – годишниот Бремер постигна гол за Торино во ремито со Интер во неделата и со тоа дополнително ја отежна трката за титулата за тимот на Симоне Инзаги.

Бразилецот Бремер има договор со Торино до 2024 година, а неговата вредност според Трансфер маркт се  проценува на 20 милиони евра.