Историскиот дрес на Кејн во Баерн продаден за висока цена

Дресот на Хари Кејн од натпреварот против Унион Берлин, во кој англискиот напаѓач го постигна својот 100. гол во Бундеслигата, е продаден на аукција за неверојатни 55.000 евра.

Кејн го носеше специјалното издание на дресот на Баерн Минхен во убедливата победа од 7:0 над Унион Берлин, одиграна во средината на септември. Токму на тој натпревар тој стигна до големиот јубилеј.

Купувачот од Сингапур победил во наддавањето, оставајќи го зад себе кандидатот од САД, кој понудил 50.000 евра.

Дресот има дополнителна колекционерска вредност бидејќи Кејн до 100. гол во германското првенство стигна по само 98 натпревари. Никој претходно во историјата на Бундеслигата не стигнал до оваа бројка толку брзо.

Англичанецот не застана тука. На истиот натпревар против Унион Берлин го постигна и својот 101. гол во Бундеслигата.

Дресот бил дел од специјална, лимитирана колекција на Баерн посветена на Октоберфест, што дополнително ја зголемило неговата вредност.

На аукцијата биле понудени и дресови на други фудбалери на баварскиот гигант. Дресот на Џамал Мусиала бил продаден за 7.292 евра, додека оној на Мајкл Олисе достигнал цена од 5.500 евра.