Кампос и Галтие ќе го решаваат проблемот помеѓу Мбапе и Нејмар

Француските медиуми пренесуваат дека фудбалерот на Париз Сен Жермен, Килијан Мбапе, побарал од челниците на клубот до крајот на летниот преоден рок да го продадат Бразилецот Нејмар.

Односите помеѓу двајцата фудбалери се влошени откако Нејмар дознал дека Мбапе барал од главните луѓе во клубот да го продадат бразилскиот фудбалер. Медиумите истакнуваат дека Мбапе со продолжувањето на договорот добил големи овластувања во клубот, каде има и улога на консултант. Според информациите целата ситуација ќе се обидат да ја смират тренерот на ПСЖ Галтие и спортскиот директор Луис Кампос.