Капинковски сменет, Пелистер ќе добие нов тренер

Maкедонскиот фудбалски прволигаш Пелистер ја информираше јавноста дека ја прекина соработката со досегашниот шеф на стручниот штаб на тимот, Димитар Капинковски.

Иако Пелистер беше во серија на лоши резултати, вчера успеа да освои бод на домашен терен против Шкендија, но и тоа не беше доволно Капинковски да остане на чело на битолскиот клуб.

„ФК Пелистер ја известува јавноста дека се раздели со шефот на стручниот штаб Димитар Капинковски. Клубот му се заблгодарува на Капинковски за ангажманот и прифесионалноста и му посакува успех во понатамошниот тек на кариерата. Во првите девет натпревари Пелистер запиша две победи, еден нерешен резултат и шест порази#, , се вели во соопштението.

Клубот деновиве ќе го промовира новиот шеф на стручниот штаб.