Карвахал отпадна од комбинација за дуелот против Унион Берлин

Карло Анчелоти има многу квалитетни играчи на располагање, но утре ќе мора да комбинира без еден од најискусните фудбалери во составот.

Реал Мадрид ја започнува сезоната во Лигата на шампионите со натпревар против Унион Берлин, а поради повреда во комбинација нема да биде Дани Карвахал.

Искусниот бек заработил мускулна повреда и не се појавил на денешниот утрински тренинг, а Реал најави детални прегледи по што ќе биде познато каков е карактерот на проблемот на Карвахал.

„Марка“ истакнува дека ова е удар за Реал бидејќи Карвахал одлично ја започнал сезоната и играл во врвна форма за Реал и репрезентацијата, а уште отсега е јасно дека бекот ќе го пропушти и градското дерби со Атлетико.

Анчелоти од претходно не може да смета ниту на Винисиус, Арда, Милитао и Куртоа.