Касиљас: Се плашам да не ни го одземат Мундијалот во 2030 година

Легендарниот, Икер Касилјас, вели дека ФИФА би можела да ја елиминира Шпанија како домаќин на Мундијалот во 2030 година поради скандалот поврзан со Кралската шпанска фудбалска федерација (РФЕФ), чиј поранешен претседател Луис Рубиалес е обвинет за корупција.

„Се плашам дека може да ни биде одземено Светското првенство во 2030 година, ќе видиме!“, напиша Касиљас, означувајќи го профилот на „RFEF“.

Шпанија, Португалија и Мароко треба да бидат домаќини на големиот фудбалски настан кој ќе биде специфичен бидејќи за прв пат ќе донесе и три натпревари во Јужна Америка: по еден во Аргентина, Уругвај и Парагвај.