Кајл Вокер неизвесен за дуелот со Реал Мадрид

Еден од главните дефанзивни играчи на Манчестер Сити , Кајл Вокер е под знак прашање за настап на првиот полуфинален натпревар од Лигата на шампионите против Реал Мадрид следната недела. Вокер се повреди на реваншот со Атлетико Мадрид, и викендов не играше против Ливерпул.

Тренерот на „граѓаните“ Пеп Гвардиола призна дека Вокер ќе го пропушти натпреварот со Брајтон во Премиер лигата, и засега не знае кога ќе може повторно да настапи.

 Пред враќање во игра е Рубен Диас кој поради повреда ги пропушти последните 9 натпревари на Манчестер Сити.