Киелини испиша историја на европските првенства

Џорџи Киелини во победата на Италија над Шпанија по пенали во полуфиналето на ЕУРО испиша историја на европските првенства.

Имено, тој стана единствениот фудбалер во историјата кој на европските првенства пет пати играл против иста репрезентација.

Прв пат против Шпанија играше на ЕУРО 2008. година, кога Италија беше поразена во четвртфиналето.

Потоа на ЕУРО 2012. во групата настапи во ремито на овие две селекции, а потоа и во финалето кога Шпанија победи со 4:0.

На ЕУРО 2016. Киелини конечно дочека прилика да ја елиминира Шпанија, а тоа се случи во осминафиналето. Во тој натпревар, дефанзивецот го постигна и првиот погодок.

Петтиот натпревар беше токму синоќешниот, во кој Италија победи по пенали и избори финале, а таму ќе ја чека Англија или Данска.

Киелини синоќа го запиша 110. настап за Италија, која ја предводеше како капитен, а досега има постигнато осум погодоци.