Кирјос поради повреда се повлече од настапот на Австралија опен

Австралискиот тенисер Ник Кирјос, поради повреда на коленото се повлече од настапот на Австралија опен.

Според информациите од физиото на тенисерот, неговата повреда нема да му ја загрози кариерата, но ризикот бил преголем за тој да настапува на грен слем турнирот во Мелбурн.

„Ова е еден од најважните турнири во мојата кариера и не беше лесно да донесам одлука за повлекување од настапот. Имам одлични спомени од претходните учества на турнирот пред домашната публика, но тоа е животот, а повредите се составен дел на спортот. Не се сомневам дека ќе се вратам во полна снага“, изјави Кирјос.

Кирјос во првото коло требаше да игра против Русинот, Роман Сафиулин.