Клоп: Борбата за место во ЛШ во Премиер лигата ќе биде пеколна

Јирген Клоп е свесен дека иако Премиер лигата се уште не е стигната ни до половина, неговиот тим нема шанси за титулата оваа година.

„Црвените“ имаа лош старт на сезоната и играа „топло-ладно“ па во моментов се далеку од врвот на табелата и годинава им преостанува борба за пласман во Лигата на шампионите.

Тоа го знае и самиот Клоп кој истакна дека Арсенал и Сити ќе се борат за титулата во Премиер лигата, а дека дури пет клубови ќе се борат за останатите две места кои ќе водат во Лигата на шампионите.

„Оваа сезона ќе имаме топ 7 тимови затоа што знаеме дека Њукасл е голем конкурент од оваа сезона. Само четири ќе успеат да стигнат до целта, а се чини дека во овој момент само две места се останати. Арсенал има неверојатна сезона, Сити е Сити, а Манчестер Јунајтед е јасно дека се враќа. Тотенхем секогаш се бори до крај, а Челзи е се уште тука.

Ќе биде тешко, треба да играме специјално во вториот дел од сезоната за да имаме шанса да се пласираме во Лигата на шампионите, што е и наша цел“, изјави Јирген Клоп.