Клоп: Му посакуваме голем успех на Мане

Тренерот на Ливерпул Јирген Клоп му се заблагодари на Садио Мане за соработката и му посака среќа во новиот клуб.

Мане после шест години поминати на Енфилд, го напушти Ливерпул и потпиша договор со Баерн Минхен.

Репрезентативецот на Сенегал пристигна во редовите на Ливерпул во 2016 година,а беше доведен токму од Јирген Клоп. Мане за „црвените“ на 269 натпревари постигна 120 гола.

„Го почитувам Мане и неговата одлука, а сигурен сум дека и нашите навивачи го мислат истото. Ако го сакаш Ливерпул, тогаш мора да го сакаш и Садио, и околу тоа нема расправа. Му посакуваме успех на секој нареден натпревар, освен кога ќе игра против нас. Не се сомневам дека ќе продолжи да прикажува одлични игри“, изјави Клоп.