Колумбус Кру e новиот клуб на Андре Гомеш

Андре Гомеш го напушти Лил и кариерата ја продолжува во редовите на американскиот тим Колумбус Кру.

Португалецот потпиша договор кој ќе трае до јуни 2027 година, откако претходно го раскина договорот со Лил по взаемна согласност.

Гомеш во минатото направи голем трансфер од Валенсија во Барселона во летото 2016 година, по неговите настапи на Европското првенство, за сума од 40 милиони евра.

Во Барселона беше под голем притисок, со оглед на силната конкуренција, бидејќи во својот зенит тогаш беа Андрес Иниеста и Иван Ракитиќ.

Потоа го напушти каталонскиот клуб, најпрво како позајмен во Евертон, кој потоа во летото 2019 година го откупи за 25 милиони евра. Периодично успеваше да го демонстрира својот квалитет во Премиер лигата, но потоа доживеа сериоззна повреда на ногата што го тргна од патеката на успехот.