Конте: Еден ден ќе се вратам во Јуве

Трофејниот италијански стратег Антонио Конте изјави дека еден ден ќе се врати на клупата на Јувентус, тимот со кој освои три титули како тренер и каде го помина поголемиот дел од својата фудбалска кариера.

Конте во моментов е без тренерки ангажман откога летоска го напушти Наполи, а беше поврзуван и со Манчестер Јунајтед пред Аргентинецот Маурисио Покетино да биде ангажиран на „Олд Трафорд“.

Во интервју за италијанските медиуми, Конте рече дека сè уште размислува за Јувентус.

„Еден ден мојата приказна со Јувентус ќе се заокружи. Не знам кога ќе се случи тоа, дали за една, десет или петнаесет години, но знам дека ќе оставам свој белег во Јувентус“, посочи Конте.

Во своите фудбалски денови, Конте играше за Јувентус од 1991 до 2004 година освојувајќи пет титули во италијанското првенство и една во Лигата на шампионите. Како тренер го предводеше најтрофејниот италијански клуб до три титули во Серија А помеѓу 2011 и 2014 година, како и две титули во Суперкупот на Италија.