Костарика е последниот учесник на Светското првенство во Катар

Репрезентацијата на Костарика е последната екипа која резервира карта за учество на Светското првенство во Катар. Костарика во баражот за пласман на Мундијалот ја совлада селекцијата на Нов Зеланд со 1:0.

Бараж дуелот се одигра во Катар на стадион каде ќе се одржуваат и натпревари од Светското првенство. Костарика до баражот стигна како четвртопласирана селекција од КОНКАКАФ зоната, а Нов Зеланд како победник од Океанија.

Репрезентацијата на Костарика во Катар ќе биде во група со Шпанија, Германија и Јапонија.