Костјук избори полуфинале против Андреева на Ролан Гарос

Украинската тенисерка Марта Костјук прв пат во кариерата се пласираше во грен слем полуфинале, откако попладнево ја победи сонародничката Елина Свитолина со 6-3, 2-6, 6-2 во четвртфиналето на Ролан Гарос.

Костјук (ВТА – 15.) до триумфот над седморангираната светска тенисерка дојде по еден час и 51 минута игра.

Костјук шест пати ѝ го одзеде сервисот на противничката, која направи пет брејка.

Во полуфиналето, Костјук ќе игра против Русинката Мира Андреева, која претходно денеска ја совлада во четвртфиналето Романката Сорана Кирстеа со 6-0, 6-3.