Кристенсен и Кеси можат да ја напуштат Барселона без ниту еден одигран натпревар

Летните фудбалски засилувања на Барселона, Андреас Кристенсен и Франк Кеси би можеле да го напуштат каталонскиот клуб без обештетување и без одигран официјален натпревар за Барса, пренесуваат шпанските медиуми.

Тоа им го овозможува клаузулата во договорот според која играчите можат да ја напуштат Барселона доколку не бидат регистрирани пред првиот натпревар од новатата сезона во Ла Лига, а тоа за Барса е дуелот со Рајо Ваљекано на 13 август.

Кристенсен пристигна во Барселона како слободен играч од Челзи, а Кеси на ист начи дојде од Милан.