Куни Моралес го продолжи договорот со Вардар 1961

Кубанецот Куни Моралес, кој настапува на позицијата десен бек, го продолжи договорот со ракометниот клуб Вардар 1961, и ќе остане во тимот и наредната сезона.

Моралес со своите одлични игри во црвено-црниот дрес како во Лигата на шампионите така и во домашното првенство, ги задоволи критериумите на раководството на клубот од Скопје кое се одлучи да го задржи во тимот уште една година.