Кјелини и Бонучи неизвесни за Италија

Фудбалерите Џорџо Кјелини и Леонардо Бонучи би можеле да го пропуштат квалификацискиот натпревар на Италија против Швајцарија во квалификациите за Светското првенство. Двајцата дефанзивци на Јувентус не играа против Фиорентина поради повреди на мускулот.

Селекторот на Италија, Роберто Манчини изјави дека внимателно ја следи состојбата со двајцата фудбалери и дополнително ќе одлучи дали ќе ги вклучи во екипата за претстојниот натпревар во петок.