Кјелини се повлекува од италијанската репрезентација

Капитенот на Италија Џорџо Кјелини за медиумите објави дека ќе се повлече од фудбалската репрезентација на 1 јуни по натпреварот против Аргентина. 

„ На 1 јуни би требало да настапам на „Вембли“ против Аргентина. Би сакал да се збогувам со репрезентацијата и националниот дрес на ваков празничен натпревар“, изјави Кјелини.

Италија на 1 јуни на стадионот „Вембли“ во Лондон ќе игра против Аргентина  во натпревар меѓу европскиот првак и победникот на Копа Америка. Натпреварот ќе се вика „Финалисима“, а овој настан ќе биде прв во соработката меѓу УЕФА и Јужноамериканската фудбалска конфедерација. Во летото 2021 година Италија стана европски шампион, а Аргентина е актуелен освојувач на Копа Америка.