Лазаров: Холандија е поквалитетна од нас, но поразот од десет гола разлика е превисок

Селекторот на македонската ракометна репрезентација, Кирил Лазаров, признава дека Холандија беше подобар противник од нашата селекција и нивната победа е заслужена, но резултатот од 34:24, и разликата од десет гола е неочекувано висока.

„Холандија ја заслужи победата, тие беа подобри, но јас сум незадоволен од нашата игра на првите два натпревари. Иако знаевме дека Норвешка и Холандија се поквалитетни репрезентации од македонската, сепак изненаден сум од високите порази. Ние како екипа мора да ја научиме лекцијата, и да играме тимски. До 43.минута од натпреварот стигнавме на минус четири гола, но потоа за краток период нашите противници направија десет гола разлика. Имаме млади ракометари кои се дебитанти на големите натпреварувања и тоа се чувствува во играта. Сега мора да се мобилизираме и да се подготвиме за дуелот со Аргентина. Дојдовме на ова првенство по една победа и се надевам дека ќе ја постигнеме“, изјави Лазаров.