Лаури одби да настапи на ЛОИ во Токио

Кајл Лаури одби да настапи за американскиот тим на Олимписките игри во Токио, Јапонија. 35-годишниот кошаркар ќе стане слободен агент на крајот на сезоната. Се очекува да биде еден од најбараните играчи на пазарот.

Лаури во просек постигнуваше 17,2 поени оваа сезона, остварувајќи 7,3 асистенции и 5,4 скока.

Досега 11 имиња најавија дека сакаат да одат на Олимпијадата во дресот на САД, а тоа се: Девин Букер, Џејмс Харден, Кевин Дурент, Бам Адебајо, Демиен Лилард, Бредли Бил, Џејсон Тејтум, Кевин Лав, Дру Холидеј, Дрејмонд Грин и Крис Мидлтон.