Леброн Џејмс води во гласовите за овогодинешниот Ол-стар натпревар во НБА

Најдобриот кошаркар на Лос Анџелес Лејкерс, Леброн Џејмс е лидер по добиени гласови од фановите за учество на претстојниот Ол-стар меч организиран од НБА лигата.

17-кратниот учесник на овие натпревари,Џејмс досега собра 6,8 милиони гласови, а Стеф Кари од Голден Стејт Вориорс е втор со нешто повеќе од 6 милиони гласа.

Третата позиција според фановите ја има членот на Денвер Нагетс, Никола Јокиќ со 4,1 милиони гласови.

Ол-стар натпреварот треба да се одржи на 20 февруари во Кливленд, каде Леброн Џејмс 11 сезони играше за екипата на Кавалирс.