Левандовски од Баерн се сели во Барселона

Најдобриот фудбалер на Баерн Минхен, Роберт Левандовски, ќе ги напушти Баварците на крајот на сезоната. Полскиот репрезентативец планира да си замине од „Алијанц Арена“ и да потпише за Барселона.

Според дел од медиумите во неговата татковина, трансферот ќе биде околу 60 милиони евра а неговиот договор ќе биде за три сезони со плата од 8 милиони евра плус бонуси.

Левандовски кој го облече дресот на Баерн во 2014 година, досега има одиграно 369 мечеви и постигнато 340 гола.