Левандовски: Уверен сум дека ќе освојуваме трофеи сезонава

Роберт Левандовски уште еднаш изрази уверување дека Барселона ќе освои титули и покрај тешкиот старт во Примера против Рајо Ваљекано (0-0).

„Мислам дека беше доволно време Барса да биде без трофеј. Сигурен сум дека ќе освоиме неколку. Кога првпат дознав дека Барселона е заинтересирана да ме донесе во тимот, веднаш помислив дека ова е совршен момент и за мене и за клубот. Не сакав цела кариера да ја играм само во една лига. Во Бундеслигата сè беше совршено за мене, стекнав непроценливо искуство, но знаев и дека заминувањето во Ла Лига ќе биде чекор напред за мене“, признава Левандовски.