Легендарниот Нил Ворнок објави крај на својата тренерска кариера

Познатиот англиски тренер Нил Ворнок објави крај на професионалната кариера на 73 годишна возраст.

Ворнок ја започна својата тренерска кариера во 1980 година, а негова последна работа беше во клубот Мидлзборо во Чемпионшип лигата, но минатиот ноември со заеднички договор ја прекина соработката.

Тренерскиот ветеран во својата кариера водел 1603 натпревари и осум пати успеал да ги промовира своите тимови во повисок ранг, по што Ворнок е рекордер во англискиот професионален фудбал. Тој водеше 12 различни клубови во првите четири лиги во земјата.

„Мислев дека ова е вистинското време. Се ближи крајот на сезоната и всушност нема можности за работа во овој период. Искрено, имав добра кариера“, изјави Нил Ворнок за Скај Спортс.