Леклер е победник на трката во Мелбурн, Верстапен не стигна до целта

Возачот на Ферари, Шарл Леклер е победник на Ф1 трката за Големата награда на Австралија, која се возеше на патеката во Мелбурн. Ова е втора победа во првите три трки од сезонава за Леклер.

Втор на целта пристигна Серхио Перез од Ред Бул , а трет беше возачот на Мерцедес, Џорџ Расел.

Актуелниот шампион во Формула 1, Холанѓанецот Макс Верстапен не успеа да ја заврши трката и се откажа во 39.круг.