Ленгле би заминал од Барса само ако некој му понуди идентична плата

Дефанзивецот Клемент Ленгле е подготвен да ја напушти Барселона, но само доколку се најде клуб кој е подготвен да му ја даде истата плата, открива „Спорт“.

Сепак, ова изгледа неостварлив услов, бидејќи Французинот добива 10 милиони евра.

Ленгле е на „Камп Ноу“ четири години, но одамна го изгуби стартното место и навивачите не го сакаат. Каталонците треба итно да се разделат со барем неколку играчи за да привлечат нови.

Барса за Ленгле плати речиси 36 милиони евра, но тој никогаш не успеа да убеди дека трансферот вреди. Договорот со клубот му истекува во 2026 година.