Леони сериозно се повреди, Слот го пријави Киеза во ЛШ

Тренерот на Ливерпул, Арне Слот, ќе мора да направи промена на списокот на фудбалери за Лигата на шампионите и таму ќе се најде Федерико Киеза.

Младиот Италијан Џовани Леони ја заврши годината поради повреда, па неговото место на листата ќе му припадне на Киеза. Со тоа, искусниот офанзивец ќе добие право да настапи за „црвените“ во најсилното европско клупско натпреварување.

Ливерпул во Лигата на шампионите започна со триумф на „Енфилд“ против Атлетико Мадрид, а во второто коло тимот на Слот ќе гостува во Истанбул кај Галатасарај.