Лина Ѓорческа поразена на првиот меч по враќањето од повредата

Лина Ѓорчевска го загуби првиот натпревар по враќањето од повредата.

Лина беше поразена со 2-0 против тенисерката Лејре Ромеро Гормаз и така го заврши својот настап уште во првата рунда од челенџер турнирот од серијата 125 кој се одигра во Дубровник.

Ѓорческа загуби со идентичен резултат во двата сета и успеа да освои по три гема во секој сет (6-3, 6-3).

За нашата тенисерка ова беше прв настап по пауза од речиси месец и половина.

Таа доживеа повреда на полуфиналето од турнирот во Порто и одлучи да се повлече се додека повредата не се санира.