Лингард после Јунајтед повторно ќе игра за Вест Хем

Фудбалерот на Манчестер Јунајтед, Џеси Лингард, на крајот од месецот ќе се раздели со клубот од Олд Трафорд, бидејќи му истекува договорот и ќе биде слободен да бара нов клуб.

За офанзивниот англиски фудбалер веќе има голем интерес, но според медиумите најсериозна понуда има од премиерлигашот Вест Хем. 

Лингард веќе има одиграно една полусезона за клубот од Лондон, кога таму беше на позајмица од Манчестер Јунајтед. Тогаш тој беше стрелец на 9 гола на 16 натпревари во Премиер лигата.