Лотар Матеус: Англија е еден од фаворитите за освојување на Мундијалот

Британскиот весник Телеграф пренесува дека за поранешниот германски фудбалски репрезентативец Лотар Матеус, Англија е еден од фаворитите за освојување на Светското првенство во Катар.

„Англија е еден од фаворитите на претстојното СП. Само погледнете, Англија и Франција можат да состават три први постави на играчи“ изјавил Матеус.

Германецот потсетува дека Англија на последното СП во Русија 2018 година го освои четвртото место, а во финалето на ЕП минатата година беше поразена од Италија. Тоа јасно докажува дека Англија е блиску до освојување на трофејот после 1966.година, меѓутоа според Матеус главен проблем на оваа селекција е тоа што немаат квалитетен голман како што има на пример Германија.

Англија на СП во Катар е заедно во група со Иран, Велс и САД.