Лоша вест за Наполи, Виктор Осимен ќе мора на операција

Од прес службата на Наполи проследија информација дека напаѓачот на екипата, Виктор Осимен ќе мора да биде опериран поради здобиени искршеници на лицето.

22- годишниот Нигериец повредата ја заработи во дерби натпреварот од Серија А, против екипата на Интер. Тој при еден воздушен дуел со противничкиот играч Шкрињар,мораше да го напушти теренот поради вртоглавица, но подоцна при дополнителниот преглед лекарите откриле дека има скршеници во пределот под левото око и  јаболчната коска.

Осимен ќе биде надвор од теренот најмалку еден месец и со сигурност нема да настапува за Наполи до крајот на годината.