Лука Модриќ со 400 натпревари за Реал Мадрид

Играчот на Реал Мадрид, Лука Модриќ, во неделното “Ел класико“ го одигра својот 400-ти натпревар во дресот на “кралскиот клуб“. На неговиот јубилеј, Реал ја совлада Барса на “Ноу Камп“ со резултат 2:1.  

“Горд сум и среќен поради ова неверојатно достигнување. Се надевам дека ќе одиграм уште многу натпревари за Реал Мадрид каде одлично се чувствувам. Никогаш не размислував дека ќе го постигнам овај успех. Го исполнив сонот да играм во дресот на Реал Мадрид и сум благодарен на сите моменти што ги доживеав тука“, изјави Модриќ, кој настапува за Реал Мадрид од 2012 година.