Македонија домаќин на голем настап, прогласени европските атлетичари на годината

SKOPJE, NORTH MACEDONIA – OCTOBER 26: Yaroslava Mahuchikh is presented with the Women’s Athlete of The Year award by Dobromir Karamarinov during the 2024 Golden Tracks Award Ceremony on October 26, 2024 in Skopje, North Macedonia. (Photo by Srdjan Stevanovic/Getty Images for European Athletics)

Светската рекордерка во скок во височина Јарослава Махучик од Украина и Арман Дуплантис – шведскиот скокач со стап се прогласени за најдобри атлетичари во Европа за 2024 година.

Прогласувањето се одржа синоќа во Скопје на престижната манифестација „Golden Tracks Skopje 2024” на Европската атлетска асоцијација.

Овогодишните победници во категоријата „Ѕвезди во подем“ се Адријана Вилагош од Србија која учествува во дисциплината фрлање копје, и тркачот на 1500 метри, Нилс Ларос од Холандија.

На настанот во Националната опера и балет присуствуваа и вицепремиерот на Република Северна Македонија, Љубчо Димовски и министерот за спорт, Борко Ристовски, претседателот на Светската атлетска федерација Себастијан Коу и првиот човек на Европската атлетика Добромир Карамаринов.