Малдини го сака напаѓачот на Монпелје за својот Милан

Како приоритет на Милан во летниот преоден рок ќе биде доведување на нов напаѓач.

Ибрахимовиќ ја игра последната сезона, Ориги не ги оправда очекувањата, па Милан сака да доведе млад и перспективен напаѓач. Според италијанските медиуми, Паоло Малдини започнал преговори со Монпеље за нивниот напаѓач Елије Вахи.

20-годишниот напаѓач оваа сезона за Монпеље постигна 13 гола на 29 натпревари и важи за еден од најголемите таленти во Европа.

Францускиот клуб за неговата слобода бара 25 милиони евра, сума која „росонерите“ се спремни да ја платат.