Мане: Ова е најзначајниот трофеј во мојата кариера

Напаѓачот на Ливерпул и капитен на репрезентацијата на Сенегал, Садио Мане вели дека освојувањето на Африканскиот куп на нации претставува најзначаен трофеј во неговата кариера.

Сенегал во финалето славеше над Египет по изведување на пенали за прва историска титула во ова натпреварување.

„Дефинитивно мислам дека ова е најголемиот трофеј во мојата кариера. Навистина не можам да искажам како се чувствувам затоа што сум многу, многу среќен. Среќен сум за себе, за моите сонародници и за моето семејство. Пеналот што го промашив во првото полувреме беше голем удар за мене, но сите мои соиграчи дојдоа и ми рекоа: „Садио, заедно губиме и заедно победуваме! Продолжи да одиш!” Ова ме погоди, особено пред изведувањето на клучниот пенал.Тоа многу ме мотивира“, изјави Мане.