Манчестер Јунајтед го посакува Заниоло од Рома

Медиумите од Италија пренесуваат дека Манчестер Јунајтед е заинтересиран за играчот од средниот ред на Рома, Николо Заниоло.

Според „Калчомеркато“ Ерик тен Хаг, кој ќе го преземе водењето со тимот ова лето, инсистира во својот тим да го има 22-годишниот италијански репрезентативец.

Договорот на Заниоло со Рома е до летото 2024 година, а информациите велат дека „римјаните“ за играчот ќе бараат околу 55-60 милиони евра.

За Заниоло интерес имаат уште Јувентус и Тотенхем. Сезонава тој одигра 25 натпревари за Рома, постигнувајќи два гола.