Манчестер Јунајтед се откажа од доведување на Арнаутовиќ

Англиските медиуми пренесуваат дека после бројните негативни реакции од своите навивачи, Манчестер Јунајтед се откажа од идејата да го доведе Марко Арнаутовиќ од Болоња.

Претходно, според достапните информации, Јунајтед понуди околу осум милиони фунти за Арнаутовиќ, но таа понуда беше одбиена од челниците на Болоња.

Иако Арнаутовиќ беше заинтересиран за доаѓање на Олд Трафорд, сепак од Манчестер Јунајтед одлучија да не испраќаат нова понуда за напаѓачот, поради негативните реакции на навивачите кои не се согласуваат со ангажманот на поранешниот играч на Вест Хем.