Мареска: Овој Челзи нема искуство за титула во Премиер лигата

Новиот менаџер на Челзи, Енцо Мареска објасни зошто Челзи се уште не е подготвен да се бори за титулата во Премиер лигата. Тренерот на „сините“ смета дека на тимот му недостига искуство за борба против Ливерпул, Манчестер Сити и Арсенал.

„Имаме таков тип на играчи што некои од нив одиграле, можеби, само едно финале во животот. Значи, треба да го искористиме моментот и да станеме подобри, а кога ќе го искористиме тој момент, ќе станеме подобри и ќе можеме да се натпреваруваме. Ќе бидеме во шампионската трка наскоро, но недостигот на искуство е една од причините зошто сè уште не сме подготвени да се натпреваруваме со овие клубови“, рече Мареска.