Марибор е новата средина на Бехар Фета

Бехар Фета и официјално е промовиран како нов фудбалер на Марибор. Воска Спорт во текот на вчерашниот ден го потврди трансферот на Фета во 16-кратниот шампион на Словенија.

За Фета ова е прв интернационален предизвик и голем чекор напред во неговата кариера. Со Марибор Фета потпиша договор на три години.

Со 20 години тој ги помина сите младински категории на Македонија, а во овој момент е член на селекцијата до 21 година за која собра шест настапи. Пред Воска беше дел од Шкендија.