Мартинез: Меси е 99% од нашата екипа, ние само го следиме

Аргентина славеше со 2-1 против Австралија и обезбеди четвртфинале на Светското првенство (СП) во Катар. Голманот Емилијано Мартинез ја спаси Аргентина во 97-та минута кога им одбрани зицер на Австралијанците.

Мартинез вели дека треба да му помогнат на Лионел Меси кој го игра петтиот Мундијал во кариерата и тоа е негова последна шанса да го освои трофејот.

„Меси го предводи тимот, одиме чекор по чекор. Меси е 99,9 отсто од екипата, а ние треба да му помогнеме. Холандија е голем противник и свесни сме за нивниот квалитет“, кажа Мартинез.