Мартинели, Одегард, Саха – големи проблеми со повредите за Арсенал

Тренерот на фудбалерите на Арсенал, Микел Артета, доби лоши вести додека траат активностите на репрезентациите.

Откако стана јасно дека напаѓачот, Букајо Сака, се повреди на мечот меѓу Англија и Грција, денеска пристигна веста дека и Габриел Мартинели, се соочува со болки во десната потколеница.

Играчот на „топчиите“ кој деновиве ги поминува со репрезентацијата на Бразил, веројатно ќе мора да паузира извесен период. Познато е дека и капитенот на Арсенал, Мартин Одегард, уште во септември заработи повреда додека беше дел од селекцијата на Норвешка и дека ќе мора да паузира до крајот на ноември или почетокот на декември.