Мартин Мирчевски е нов фудбалер на ТСЦ Бачка Топола

Најдобриот стрелец во Првата македонска фудбалска лига, Мартин Мирчевски ја напушти Академија Пандев и стана нов член на српскиот прволигаш ТСЦ Бачка Топола.

Иако 24-годишниот  Мирчевски, претходно се поврзуваше со трансфер во клубови од Турција, тој сепак реши да ја прифати понудата од Србија и да потпише три годишен договор.

Од стартот на сезоната тој во дресот на Академија Пандев постигна 16 погодоци на 18 одиграни натпревари.