Марчињак од Полска ќе го суди финалето на Светското првенство во Катар

Меѓународната фудбалска федерација- ФИФА, соопшти дека финалниот натпревар на Светското првенство во Катар помеѓу репрезентациите на Франција и Аргентина, ќе го суди полскиот арбитар Шимон Марчињак.

41-годишниот Марчињак претходно на Мундијалот веќе му судеше на Аргентина во осминафиналниот дуел со Австралија, како и на Франција на мечот од групната фаза против Данска.

Финалето на Мундијалот во Катар ќе се игра во недела од 16:00 часот на стадионот Лусаил.