Мауро Икарди беше мета на крадци, однесоа вистинско богатство

Ѕвездата на Париз Сен Жермен, Мауро Икарди беше жртва на крадци, кои викендов влегоа во неговиот стан во Париз, додека тој со својата екипа беше на гостување во Лориен.
Како што пренесуваат франуските медиуми, крадците од луксузниот стан на аргентинскиот напаѓач украдоа ствари и накит во вредност од неверојатни 400 илјади евра.
Засега нема информации за нивниот идентитет, но јасно е дека поранешниот капитен на Интер не памете полош викенд.
За потсетување, ПСЖ беше и поразен на гостувањето кај Лориен со 3:2, па крајот на колото го дочекува со три бода заостанување зад Лил. Икарди е жител на париската населба Неји на Сена, која важи за еден од најлуксузните квартови на француската престолнина.