Мбапе лобира за трансфер на Бернардо Силва во Париз

Килијан Мбапе сака раководството на тимот да се обиде да го
ангажира играчот од средниот ред на Манчестер Сити, Бернардо
Силва, пренесува печатот на Островот.
Португалскиот интернационалец минатото лето беше блиску до
заминување од „граѓаните“ во правец на Барселона, но договор
никогаш не беше постигнат. Сепак, тој неодамна потврди дека ќе ја
преиспита својата иднина по завршувањето на сезоната и може да
замине во друга екипа.
Токму овие изјави го наведоа Мбапе да се обиде да ги убеди Кристоф
Галтие и Луис Кампос да направат се што е во нивна моќ за да го
донесат играчот во француската престолнина. Бернардо Силва е под
договор со Манчестер Сити до летото 2025 година, но Пеп Гвардиола
изјави дека нема намера да го задржи на сила доколку не сака да
остане на „Етихад“.