Мбапе се извинил за дивјачкиот потег и црвениот картон против Алавес

Килиан Мбапе поцрвене уште во првото полувреме во победата на Реал Мадрид кај Алавес (0-1) во 31. коло на Ла Лига.

Французинот со отворена копачка го удри Антонио Бланко од таборот на ривалот. Иако во прв момент судијата Цезар Сото Градо не покажа картон, по ВАР провека му го покажа патот кон соблекувалната на Мбапе.

По натпреварот краток коментар за ситуацијата даде Бланко кој можеше да доживее и потешка повреда.

„Тоа беше старт кој можеше да заврши лошо. По натпреварот Мбапе дојде до соблекувалната и ми се извини за невнимателноста, а тоа е најважно во спортот“, прокоментира асот на Алавес.