Меси има две причини за трансфер во Манчестер Сити

Лионел Меси против Атлетик Билбао го одигра најдобриот натпревар сезонава. Со два гола и донесе на Барселона важни три бода од тешкото гостување, а медиумите во Шпанија јавуваат дека Манчестер Сити сака да го доведе во своите редови, а за да ја оствари таа цел, има два адути.
Првиот е Пеп Гвардиола. Каталонскиот тренер и аргентинецот соработуваа од 2009. до 2012. година, кога заедно освоија две титули во Лигата на шампионите и три во шпанското првенство, а Меси освои четири Златни топки.
„Малку екипи можат да преземат одговорност за инвестиција која се вика доведување на Меси, посебно откако тој изјави дека и понатаму е гладен за трофеи.“ – пишуваат медиумите.
Сепак, Сити е уверен дека има најголеми шанси да го доведе, иако Меси даде дознаење дека има можност кариерата да ја заврши во Барселона. Освен соединувањето со Гвардиола, Сити смета дека на нивна страна е и фактот што можат на Меси да ум понудат и договор со Њујорк Сити, откако ќе ја заврши кариерата во Европа.
Со тоа, Сити би победил во трката пред ПСЖ, кој му нуди две големи имиња: Мбапе и неговиот стар пријател Нејмар.